طمنى
مبقتش حاسس بمتعه
ولا دارى رايح لفين
سنه فاتت عليك بسرعه
واللحظه فى فراقك سنين
كان صعب انى اودعك
فجأه تروح وتسيبنى
عارف ايه اللى يعوضك
انى ألقاك فى حضنى
ساعات احسك جى
يا اغلى حاجه باحبها
هو انت ليك زيي
فى الدنيا دى كلها
طمنى ياحته منى
ابوك مش برضه وحشك ؟
د انت فى قلبى و واحشنى
واسأل الغاليه أمك
ومش وحشنا وبس
كل الناس وحشتهم
الكل بفراقك حس
عشان كنت عايش لهم
والناس بيجيبوا سيرتك
بكل خير ياولدى
د انا كنت فاكر انك
ابنى انا لوحدى .
— ياضنايا ضناك هنا
بيطمنوا قلبك
هما فى عنيا انا
و الغاليه تيته امك — يااحلم حلمنا بيه
بس اتحرمنا منك
ربك ماتغلاش عليه
زي ما جابك ندهلك
طمن قلبى اللى فيه
احزان راحت تقولك
الجنه عامله ايه
لينا مكان عندك ؟ ——————————— —- اهداء لروح ابنى الغالى وصاحبى وزميلى النقيب // اسلام محمد حاتم — رحمه الله — بمناسبة الذكرى السنوية الاولى السبت الموافق 19 اغسطس — الله يرحمك يابنى الغالى
