شعر
قصيدة شاعر
بقلم: اميمة سلطان
أيوّه شاعر
والله شاعر
نبع بيفيض بالمشاعر
فيك معاني الحب دافيه
وف عيونك ضحكه صافيه
كلمه منّك واحده كافيه
تجمع الطير اللي سافر
والله شاعر
بحر حبك موجه عالي
والغرام ف عينيك نوارس
قبل ما تشاور تعالي
قلبي ييجي لأنه حاسس
شئ غريب رابط ما بنّا
خلا حبّك ليا جنّه
ربما ف الحب إنّ
خلا قلبي عليك يشاور
والله شاعر
جوّه حلم الحلم صورتك
بس باطمع ف الحقيقه
واما باصحى بتبقى سيرتك
حضن لمشاعري البريئه
مانت قلبك ليّا وحدي
كل حاجه فيك بتاعتي
وامّا بتقول يا حبيبتي
قلبي بيطبل مزاهر
والله شاعر