بالله عليكى . إوعى تبكى يا بلد
وفداكى إنتى . مش ولد . مليون ولد
دى الأم راضيه . و قدمت صبر و جلد
و الأب صالب الطول . لها ضهر و سند
فلذة كبد . أيوه اللى راح فلذة كبد
لكن عريس للجنه . و الرحمن شهد
هيكون شفيع سبعين ف أهله
يوم الدين . و بالعز إتوعد
وفداكى يا مصر الكبير . قبل الصغير
ده الشعب خلف جيوشه جيش زى الأسد
بالله عليكى . إوعى تبكى و كملى
قدرك يا غاليه تتكوى و تتحملى
و يكون ولادك درع ليكى و يوصلوا
بيكى لبر أمان ولو
مليون شهيد منهم لربى يرحلوا
بالله عليكى . إوعى تبكى يا بلد
