لمَّا عشقتِك
طرح القلب
قلوب بتطير
تهدِى الورد
لجُوزعصافير
شوفت رموش النسمه ستاير
همس ضفاير
ضحكة ف وش الفجرعبير
حتى النجمة البنوته
سهرانه بترقص ع التوته
وبتغزل م العتمه حرير
وباشوفك ضله ف عين الشمس
وحروف ف قصايدى بتهمس همس
وف عز خريفي باشوفك طير
ومطره بتغسل وش الخير
وربيع على توبه يغنى الكون
أنا العاشق …. أنا المجنون
أصب العشق ف عنيكى
أبات عطشان وأسقيكى
يا ضحكة خضره
ف قلب حنون
ما بين النبضه والتانيه
ألاقيكى سكنانى
ما بين الثانيه والثانيه
لشط العشق واخدانى
ومين زيك … ومين حيكون
يا بحر موجه
يعشق م السما لونها
وانتى السما
ومين ف السما غيرها
أنا العاشق …. أنا المجنون
كلمات الشاعر الكبير سليمان خطاب