ياما ناس بتزعل من الحق
عايشينها كبر وقيامة
خايفين ياربي ما نلحق
التوبة قبل. القيامة
…………….
الهلف ع الكتف متشال
والحر بالرخص باعه
ولا ميت ملاية وميت شال
للهلف تستر صباعه
……………..
ربي عيالك مترميش
دا الرزق من فوق نازلك
لحظة عيونك مترميش
قادر يعزك يذلك
………………
دايسين علينا وماحاسين
وكتمتو صوت العدالة
م الإنسانية اتمحى السين
بقيت ندالة ف ندالة
………………..
بتذيد في قلة حياك ليه
كما ندل مسحوب لسانه
طب هلف زيك حياكل ايه
غير لحم صاحبه ال صانه
…………………
الحقد فالندل ماليه
الدنيا فارد باعينه
الحر لو يترمى ليه
مالها ما ينظر بعينه
……………….. .
كل البلا من نسايبك
والنسبة دي كلفتنا
احلف يمين ماني سايبك
شغل الحريم كله فتنة
………………..
ياللي عجبني حجابك
وشكرتي ربك لفضله
تسلم ربايت اللي جابك
ذاد إحترامي وفاض له
…………………
فالعشق ماللي سواكي
يامحلا زهرة ربيعك
داحنا اتكوينا سوا كي
احلف بعمري مابيعك
…………………
فاكرك حبيبتي واميرتي
واتمنى لو تاخدي عيني
خونتي وعليا اتأمرتي
وعرفتي كيف تخدعيني
من كلمات الشاعر أحمد عبده
