النجمة غادة شريف في حوار شامل :
* السينما في أحضان السياسة في كل العصور وسطوة السياسيين يخضع لها كل النجوم ..!
• الشعب المصري في زمن السيسي غائب عن الوعي !
• مصر ” تايهة ” ومش عارفة رايحة على فين ؟؟!
• 30 يوينة ثورة أطاحت بالاخوان و25 يناير لا يستطيع أحد أن يقرر إذا كانت ثورة أم مؤامرة !!
• الحرية هي حلم الشعب المصري الذي لم يحصل عليه في أيام والسيسي
• السياسة هي رغيف الخبز وهي الفيلم الذي تشاهده في السينما ..!
• احترس .. مصر ترجع إلى الخلف ..!
• نحتاج لثورة داخلية لتغيير النفوس..!
• جيل السقا وشريف منير ومنى زكي ضيع الأجيال التي بعده والانتاج السبب
• تقديم التنازلات عُرف فني ولكني لم أدخل ” عش المنتجين ”
• الاخوان لم يسيطروا على مصر فلم يستطيعوا السيطرة على عالم الفن ..!
• الانتاج الفني في الستينات كان فيه ” ابتذال ” زي دلوقتي لكنه لم يظهر لاختفائه في كثرة الانتاج
• مصر في عنق الزجاجة من 60 سنة ولم تخرج بعد !
• لو منح الشعب المصري حريته لصنع المستحيل
*مصر ستنهض من كبوتها لأنها لن تمر بظروف أسوأ من نكسة 67
• البطل الأوحد في الفن ضيع السينما والبطل الأوحد في السياسة ضيع الوطن ..!
* هذه حكاية زواجي السري وانجابي من رامز جلال .
* النجم الوحيد الذي أنتظر مشاهدته هو .. يحيى الفخراني
حوار بقلم : رؤوف علواني
تنقلت كالفراشة التي تحلق حول الزهور في عالم الفن برشاقة حالمة وبروح شفافة تنتقي أعمالها قدر المستطاع فتنقلت ملكة الجمال غادة شريف من ” مملكة جبل ” عمرو سعد ” إلى
” قلوب ” علا غانم ونجلاء بدر وريهام سعيد حتى صنعت لنفسها ” كل ألوان الطيف ” مع لقاء الخميسي وعبير صبري
حتى وصبت لمحطة : الستات القادرة ..!
وما زال الطريق مفروشا بالورود لفراشة الفن النجمة :
غادة شريف و التي خصتنا بهذا الحوار الشامل لتطل به على القراء والجماهير .
** بشهادة أهل المهنة والجمهور أنت ممثلة مميزة ومتميزة كما نطقت أدوارك بذلك .. في رأيك لماذا تخاصمك الشاشة الكبيرة رغم عشق الشاشة الصغيرة لك ؟؟
ليس على الممثل غلا ان يجتهد في أداء أدواره وكما قلت الحمد لله النقاد والجمهور كان رأيهم جيد جدا فيما أديته من أدوار ولكن انتقال الممثل للسينما تحكمه العملية الشللية بالوسط وتحكم المنتجين في العملية برمتها ولا يسعني إلا أن أجتهد في أداء أدواري التي أختارها بعناية .
** هل التواجد والنجاح في اعمالك التي قدمتيها جعلك تبتعدين قليلا عن الفن ؟؟
لا أنا لم أبتعد بالقدر الملفت للنظر وآخر عمل قمت به هو ” ستات قادرة ” وكل الحكاية ان حكاية التوزيع هي المتحكمة في القصة .
هل هناك ” احتكار ” في عالم الفن جعل الحكاية مغلقة على بعض الأشخاص يقومون بالتمثيل دون غيرهم ؟
طبعا فيه احتكار وشللية وكل حاجة وفي وقت سابق صنعوا جيلا كاملا احتكر كل شيء وشباك السينما وكل حاجة ولا يزال هذا الجيل مسيطرا والمنتجين ليس عندهم أي استعداد حاليا لتقديم جيل ثاني مثل هذا الجيل .
طب هل اختلف اختيار وتقييم الممثل في الماضي عن الوقت الحاضر ؟؟!
طبعا فب الماضي كان التقييم الوحيد للمثل أو الممثلة بالطبع هو ” الموهبة ” والموهبة فقط أما الآن فقد أصبحت الحكاية “بزرميط ” ومابقاتش بالموهبة بس ولكن بأشياء أخرى معروفة طبعا وكل لبيب بالاشارة يفهم .
** هل نحن نعيش عصر ” التفاهة ” في السينما من أفلام المقاولات التي أطلت لفترة مثل أفلام الستينات ؟؟
لا ماقدرش اقول كده .. هو دلوقتي فيه كل حاجة .. فيه أفلام جيدة وفيه أفلام رديئة وفيه حاجات ماتتسماش أفلام أصلا
فيه كل حاجة .. هي الصناعة موجودة بس مش زي ما احنا عايزينها .
** طب هل ضيع البطل الأوحد كثيرا من الأبطال بجانبه ..؟؟ مقارنة بالماضي وأفلام الزمن الجميل التي كانت تحوي العديد من الأبطال ؟؟
فعلا ده كلام صحيح شوف أفلام اسماعيل ياسين ورشدي باظة والمليجي وغيرهم من النجوم الكبار وفاتن حمامة وماجدة وهند رستم وغيرها شوف كم الأبطال في الفيلم ودلوقتي ازاي بيعملوا فيلم لبطل واحد وبعد كده الأدوار التانية ثانوية ومجرد سنيدة .
المشكلة فين بالضبط ..؟؟
المشكلة في الانتاج بالطبع شوف زمان كنا قد ايه كشعب والانتاج السينمائي قد ايه ، الانتاج دلوقتي قليل جدا وزمان كانت السينما رقم 2 في الدخل القومي .
تفتكري الابتذال ضيع السينما الآن ؟
لأ أنا أرى لكل زمان ابتذاله لكن الابتذال دلوقتي ظاهر لان الانتاج قليل عن الماضي فابتذال دلوقتي بيظهر أكثر لكن زمان كان فيه ابتذال ويمكن أكتر من دلوقتي لكن الحاجة الحلوة كانت بتغطي عليه .
كيف ترين نفسك وسط نجوم ونجمات الفن ؟
لا انا مازلت أحبو في عام الفن وأتحسس الخطى في عالم الفن ولكن بخطا ثابتة .
** هل تتدخل السياسة في الفن ؟؟
طبعا السياسة تتدخل في كل حاجة من رغيف العيش لأى صناعة في مصر ومنها السينما .
ولكن كيف تتدخل السياسة في السينما هل بإنتاج أفلام بذاتها أم في اختيار ممثلين أم في فرض آراء بذاتها .؟؟
بصراحة .. في كل هذا .. السياسية تسطوا على كل شيء في مصر ولا يوجد أي شيء حر في بلادنا العربية كلها ولا يوجد الآن العمل السينمائي الحر الذي يقول ما يرد أن يقوله الشعب المصري مثلا
يعني سطوة السياسة تغلب حرية الفن ؟
نعم ولكن الكلام ده مش من انهارده ..من اول ما بدات صناعة السينما من زمان والقصة كده سطوة السياسة تطغى على كل شيء وليس من الآن فقط
يعني عصر السيسي يتساوي مع الملك مع كله بالنسبة للفن ؟؟
أيوة هو خط موحد لأسلوب حكم البلاد العربية مش مصر بس ان السياسة هي التي تسيطر على كل حاجة في البلد وزي ما انت شايف السيطرة على الاعلام نفس الشيء بيحصل في السيطرة على الفن سواء في السينما او التليفزيون
يعني عل ممكن تكون أفلام الأكشن والحاجات دي مقصودة سياسيا لتغييب الناس مثلا ؟؟!
أيوة طبعا .. أصل السينما دي ليست ترفيها فقط كما يعتقد الناس ولكنها رسالة تتحكم فيها السياسة ، حتى حينما تجد سيطرة أفلام الأكشن أو الرقص والمخدرات والدعارة كل ده موجه ولذلك فالدولة التي يمكنها مواجهة ذلك بإنتاج شيء محترم مثلا لا تقوم بذلك ولكنها تسعد بما يقدم وتسعى له سعيا لتغييب الشعب عن قضاياه .
غادة الانسانة .. تفتكري مصر رايحة على فين ؟؟!
ولا اعرف مصر رايحة على فين وكذاب اللي يقولك ان حد عارف حاجة في أي حاجة .. الرؤية مش واضحة في حاجة خالص ولا حد يعرف طريقنا رايح على فين ومش شايفين حاجة بصراحة تدلنا على بكرة لمصر
** ثورة يناير لماذا لم يقدم عنها أي عمل سينمائي حتى الآن سواء بالسلب او الايجاب ؟؟
أصل هاتقول ايه في العمل السينمائي واحنا مش عارفين اذا كانت 25 يناير ثورة ولا لأ أصلا ..!
** ازاي يعني عايزة تقولي أن ممكن 25 ينارير ننمكن تكون مش ثورة ؟؟!
أيوة طبعا ماحدش عارف ثورة ولا لأ مستغرب ليه .. هاتظهر بس بعد كتير اذا كانت ثورة ولا لا لأن كلها خبايا وماتعرقش كانت مدبرة ولا عفوية .. فيه حاجات كدة صعب تحكم عليها في وقتها أو حتى بعد مرور وقت قليل ..!
** طب وبالنسبة ل 30 يونية هل تنطبق عليها ما ينطبق على 25 يناير ..؟؟
لأ 30 يونية ثورة لانها أطاحت بالاخوان ودي معلومة لنا لكن 25 يناير ماتقدرش توصفها بنفس الوصف .
** ليه طب ما ثورة 25 يناير أطاحت بحسني مبارك ؟؟
ماشي بس احنا مش عارفين مين اللي اطاح بحسني مبارك وهل كانت ثورة عفوية ولا لأ عشان نقول عليها ثورة
** طب ما نفس الكلام ينطبق على 30 يونية وممكن ناس تقول انها مؤامرة مثلا ؟؟
اللي يقول يقول لكن أنا رأيي انها ثورة مش مؤامرة ورأيي ان 25 يناير ماحدش عارف اذا كانت ثورة ولا لأ
** انت قلت ان السياسة طاغية على الفن .. طب ليه ماشفناش ده في زمن الاخوان وكان الأفلام ماشية عادي زي ماهي ؟؟
لا أصلهم مالحقوش ولو كانوا قعدوا كان الفن والتمثيل هايصبغ بصبغة تانية خالص لكن هما مالحقوش يعملوا حاجة وصيفوا بدري بدري
** هل مصر ضاعت ما بين أيادي حكامها على مر العصور ؟؟!
هي مصر فيها ” الرمق ” دايما ولن تضيغ لان شعبها أما بيقوم بيعمل المعجزات بس لازم يتحرر الأول من العبودية لسلطة السياسة .. أي سياسة ويوم ما البلد دي تبقى حرة هاتشوف منها الهوايل .
** هل تستطيع مصر أن تنهض من كبوتها الاقتصادية ؟
أكيد وأؤكد ذلك لسبب ان مفيش زمن عدى على مصر أسوأ من هزيمة 67 وعديناها واتغلبنا عليها واحنا حاليا في حرب باردة ولكن ليس هناك أسوأ من مصر بعد حرب 67 مطلقا
هل مصر في حاجة لثورة جديدة ؟؟
مصر في حاجة إلى ثورة داخل نفوس المصريين عايزين ثورة تغيرنا احنا من جوانا مش ثورة على تغيير شكل عايزين ثورة داخلية تنبع من داخل النفس على كل سلبياتنا .
بعيدا عن السياسة .. من هو الفنان الذي تنتظر مشاهدته غادة شريف ؟؟
يحيى الفخراني هو الذي انتظر مشاهدته والزعيم عادل امام طبعا
** ومن الجيل الجديد ؟
لأ مافيش حد معين باشوف كل اللي على الساحة
** ما حقيقة ما تم نشره بالصحافة من أخبار زواجك وانجابك في السر من رامز جلال كما نشر في بعض الصحف ؟؟
والله أنا قرأت ذلك مثل ما قرأه الناس فياسر جلال ليس أكثر من صدبق وزميل ولا توجد أي علاقة بيننا وقد فوجئت بما نشر وكويس انهم وقالوا اتجوزوا ماقالوش حاجة تانية وكل ما قيل مجرد شائعات لا أساس لها من الصحة
** غادة الفنانة بتحلم بإيه ؟؟
أنا بحلم أبقى فنانة مميزة والأفكار اللي عندي أقدر أترجمها لأعمال فنية والطاقة اللي جوايا عايزة أطلعها في أعمال فنية محترمة وتناقش أشياء وقضايا مهمة .
** غادة شريف الانسانة بتحلم بإيه ؟؟
والله فيه أحلام كتير بس مفيش أكتر من حلم رضا ربنا عليك بعدها بتبقى كل حاجة هينة وحلوة بس يوم ما تحس ان ربنا راضي عنك هو ده الحلم الحقيقي اللي جوايا
** إذا كانت هناك رسالة لمن توجهينها ..؟!
أوجهها للشعب المصري وأريد أن للشعب المصري يا ريت نثور على نفسنا على جوانا .. احنا زمان كنا مؤدبين ومحترمين وكويسين .. احنا دلوقتي بنرجع لورا .. مش واقفين حتى في مكانا فضلا عن أن نتقدم .. لأ احنا بنرجع لورا في كل حاجة وخاصة في الأخلاق .. أتمنى كل واحد يقف وقفة مع نفسه وقفة صادقة ولو كل واحد واجه نفسه وأصلح نفسه ذاتيا أكيد أكيد هانبقى أفضل .
