كتب..عاطف أنيس
قرر السلطان حسين سنة 1916 إنشاء بطولة كرة قدم رسمية في مصر، البطولة جذبت الأندية المصرية لما اتأكدوا انها بطولة مصرية بينظمها مصريين وبتجمعهم بالفرق الإنجليزية الموجودة في مصر.
واحد من الحكام اللي شاركوا في إدارة مباريات البطولة في بدايتها هو حارس المرمى الإنجليزي المعتزل ستانلي روس.
ستانلي كان حارس مرمى لكن بسبب الحرب اعتزل الكورة واشتغل حكم لمعرفته بقواعد الكورة وتصادف وجوده في مصر مع القوات الإنجليزية فقرروا الاستعانة بخبرته لإدارة مباريات البطولة ستانلي احترف التحكيم بعد نهاية الحرب ونهاية وجوده في مصر ورجع لندن وأصبح واحد من أفضل حكام العالم في الوقت ده.
محدش كان يعرف وقتها ان الصدفة دي كانت هتبقى السبب ان ستانلي بعد كدة يكمل مشواره ويبقى عضو اتحاد الكرة الإنجليزي وهايتدرج بعدها في المناصب لحد ما وصل انه بقى رئيس الفيفا في الفترة بين 1961- 1974.
ستانلي كان واحد من أسباب تبسيط قواعد الكرة وجعلها سهلة الفهم بدل من القواعد المعقدة اللي كان وضعها الإنجليز، لان فترة تواجده في مصر عرفته مدى حب الناس للكورة فكان مهتم انها تنتشر أكتر بين الناس
