بقلم د : آمال ابراهيم
استشاري العلاقات الاسرية
في تساولات كتير بتوصلني من فئات عمرية مختلفة وكلها بتوكد علي ان العلاقات اختلفت تمام وبسرعة مخيفة.. فتلاقي نفسك طول الوقت بتسال هو ليه انت مش حاسس بالأمان ومش فاهم تصرفات اللي حواليك اصدقاء… اقرباء… شريك حياة
أصل لو الناس اللي في حياتك بتطمنك ومش سايبين جوّاك أي علامة استفهام مُستحيل دماغك تعمل overthings طول الليل في مُحاولات لفهم اللي بيحصل، وهل وجودك مرغوب فيه ولا تقيل عليهُم؟ طيب الكلمة اللي اتقالت لك وسط الهزار مقصودة ولا زلّة لسان؟ طيب إنت كافي ولا مُجرّد كمالة عدد؟.. طيب ليه تصرفات بقيت عكس الكلام المعسول
فكُل الصِراعات دي سببها الشُعور بعدم الأمان يمكن المسسلات كان ليها دور والكلام والفيدهات الكتير عن الخيانه بكل انواعها لكن اصعبها خيانة العهد ازاي بتقول كلام وتصرفاتك بتقول اننا غرباء النقيض وعكسه ازاي جواك مشاعر حقيقة وانت مش فرحان لنجاحي.. ازاي ان اقرب انسان واهم قرارتك بتخبيها…؟!
نصحتي الوحيدة للجميع.. حدد اولوياتك ومتكملش في اي علاقة تخليك طول الوقت بتبرر تصرفات مش واضحة وقيم الافعال وليست الاقوال وتوقف عن ايجاد مبررات غير مقنعة علشان تكمل…؟ الحب منذ فجر التاريخ حتي ينتهي العالم له لغة واحدة اللي يحبك كل تصرفاته توكد الحب وكلامة في وجودك زي في غيابك محدش بيحبك ويتكلم عليك!!!!! او ينتقدك للنقد او يغير من نجاحك مستحيل ..؟!. العلاقات الاصل فيها انها لازم تكون مريحة جدا comfortzone الثقة هي العمود الاساسي بدون ثقة لا يمكن العلاقات تستمر.. الحب شي مهم في اي علاقة الا ان الامان الاصل في الحياة….
