اخبار الرياضة
زمان في الثمانينات.الزمالك كان عنده ماتش صعب جداً مع فريق جزائري إسمه ( جيت أوزي ) ..
كتب.. عاطف انيس
الزمالك اتغلب هناك ٣/١ وكان لازم يفوز في مصر ٣/٠
الخطيب راح بنفسه نادي الزمالك .. وحضر تدريب الفريق في ميت عقبه وهو لابس فانلة الزمالك .. وكان معاه حسن شحاته و فاروق جعفر وهما لابسين فانله الأهلي ..
وقتها ذهب إلى الإستاد حوالي ٣٠ ألف مشجع أهلاوي .. ماسكين أعلام بيضا بخطين حمر ..
و الزمالك يومها كسب النتيجة المطلوبة منه ٣/٠
رداً للجميل .. ذهب حوالي٤٠ ألف زملكاوي ليشجعوا الأهلي ضد فريق إفريقي منافس .. و الأهلي يومها كسب الماتش ..
جربوا الإحساس ده .. وبدل السخرية المستمرة وكل جمهور مستني مصيبه للجمهور التاني ..
جربوا نرجع زي زمان .. ونطفي نار الغل و التعصب الأعمى ..
ساعتها .. ستعود للرياضه قيمتها الساميه ..
،وتبقى الرياضه فعلاً أخلاق .. زي زمان