بقلمي #احلام_ابراهيم
ابقى افتكر الخيانه
سقيني كأس المر
نسيت معنى الامانه
خلاص العمر ضاع
مابين شك وخداع
مش قلبك ده اللي باع
ولا في قلوب معانا
هيعمل ايه العتاب
ماخلاص هان العذاب
وفتحت لقلبي باب
يمكن تلاقيه دوانا
قولي فين حب السنين
ولا نسيت الحنين
خاين مانتاش امين
ليه ترضالي الاهانه
خليت ليه بنا سور
ميعديش فيه النور
قلبي بقا أرض بور
لا زرعنا ولا سقانا
انت غواك الجمال
ولا بصيت لمال
لوتسرح بالخيال
حتى في ساعه لقانا
انسى الحي اللي كان
اوعي تلوم الزمان
قلبك هو اللي خان
وباعنا واشترانا
