بقلم إيمان سيد الجرنوسي
متابعة خالد عبد العزيز
الفرح كان بينا
وسمعنا قالوا وقولنا
وخواطر على بالنا
تقول: ياعشاق
شجري طرح اوراق
والحلم كان مشتاق
لكن جابوا الحلاق
يكسر مادار بينا
انا حلم كان
بيني وبين انسان
اتحدا عشاني حيتان
وقتلوا شاهد العيان
وجلبوا آلات من زان
ليطيحوا بالغلبان
ويجلسوا بكرشهم مليان
وفين ياناس إحنا
العشق كان من وتد
بيني وبين الأسد
لكن ياناس خاني
وماقال فين البلد
أنا عروس النيل
من نهري حب يسيل
ويسألوا:
فين الأصيل؟
قلتلهم تعالوا وشوفوا
في قاعي الف قتيل
وتقولوا شدي الحيل
ياناس فين إحنا
ياناس انا موجوع
جوايا آه ودموع
والصوت مش مسموع
هاموت يانا من الجوع
للفرح على بالنا
الدنيا مسأله
مليانه بالهرجله
ويكسروا المسطره
ليضيع ياناس حالنا
تعالوا ايدكوا في إيدي
لنمحي كلمة ياسيدي
ونمحي وجع حبيبي
ونبني بكره لوليدي
ويكون واقع بينا
(إيمان)
