أحلم يكون لى كيان
أحلم اعيش فأمان
أحلم ولسة بحلم
أحلم اكون أنسان..
…… …. …..
أنا شايف الدنيا غابة
مليانة بالوحوش
وناس كتير غلابة
ونا مايرحموش…..
وأحلم بدنيا اساسها
العدل بين حراسها
دنيا الحب ساكن
فقلب كل ناسها…..
…… ….. ….
واحلم يكون لى كيان
احلم اعيش فأمان
احلم ولسة بحلم
احلم أكون أنسان
………… …. ….
انا شايف قلوب قوية
يحميها الجاة والمال
بتحرف كل قضية
وتحرم ف ا لحلال…
واحلم بقلوب شريغة
جواها طهر وعفيفة
قلوب توعد ماتخلف
بقلوب حايرة وضعيفة…
…. ……. ….. …
واحلم يكون لى كيان..
……………………….
انا شايف ايدين بتنهش
وايد بألف أيد
وادين زهور بتنقش
حروفها فالحديد…..
واحلم بأدبن تصون
تزرع شجرة ذيتون
أيدين بالحق تنصف
والحب يملى الكون…
… ….. …. …
واحلم يكون لى كيان
……………………….
أنا شايف بحور الدم
والليل مالهش نهار
خراب دمار وظلم
وجار يقتل فجار…
وأحلم تغيب النار
وتعود شمس النهار
الرحمة تملى قلوبنا
والجار يود الجار..
…. ….. ….
واحلم يكون لى كيان
احلم اعيش ف أمان
احلم ولسة بحلم
احلم أكون أنسان..
………………………….
