ياقطرى وصفت دوايا
مالقتش انا منك رد
مش قادر تفهم شكوايا
ومش قادر اشكى لحد
وحبيبي كان لسة معايا
وشايفة هناك فالبعد
وعدنى يشاركنى هوايا
وراح ولاتمش وعد ..
……يافطري…….
ياقطرى ياطول قضبانك
كل ماتجرى عليها تمتد
مش قادر تثبت فمكانك
مالكش فالدنيا دى حد..
ابعد ابعد زى ماتبعد
مانت ياقطرى قلبك حديد
ابعد ابعد كل ماتبعد
كل ما شوقى هناك بيذيد..
…….ياقطرى………
ياقطرى عنيك ماتنام
وصوتك صحى النايمين
صحتنى من الاحلام
وحبيبي طب اشوفة فين..
وشفت معاك انا كل مكان
وحبيبي كان هو عنية
شفت معاك اشكال والوان
ولاشفتش حب وحنية..
……..ياقطرى……..
يابختك فرحان تجرى
لافبالك اهل ولا اصحاب
وفايتنى وحدى اشكى
وا قول راحوا ا لاحباب..
تجرى تمد تنشال تنهد
طب فالاخر هتروح فين
كل ما تجرى قلبى ينشد
ويفكرنى بنور العين..
…….ياقطرى………
ياقطرى وصفت دوايا
مالقتش انا منك رد
وحبيبي كان لسة معايا
وشايفة هناك فالبعد
وعدنى يشاركنى هوايا
وراح ولاتمش وعد..
………ياقطرى……
