الأدب و الأدباء
( جيش مصر )
كلمات : محمد فتحى
جيش مصر مش ضعيف
جيش مصر مرعب مخيف
شط و مينا
دايما حامينا
أيدين أمينة
قدرت تحطم خط بارليف
جيشنا زيه و الله مفيش
هو ده اعظم جيش
اللى قرر
مصر تتحرر
وقف و اتصدر
ضحى عشان بلده تعيش
هو ده جيش العبور
جيش الأبطال النسور
ياما عن مصر شال
ولا عمره أبدا مال
حتى دمه اللى سال
روى بيه الأرض البور
الجيش اللى بيحمى بلدنا
جيش ابويا و اخويا و أولادنا
لأنه مننا
دمه دمنا
بيدافع عننا
بيحمى تاريخنا و امجادنا
مهما إن كانت الظروف
ميعرفش معنى الخوف
لا عمره كان
فى يوم جبان
لا عمره خان
تاريخه أبيض معروف
اللى سهران على الحدود
واخد على نفسه عهود
من جوه قلبه
أقسم بربه
أن حبه
لتراب مصر مالوش حدود
مهما ان كانت الحروب
ميعرفش معنى الهروب
أسد مكانه
بطل زمانه
صوت ألحانه
بتهز جوه القلوب
عايش طول العمر فدائي
بيحمينى تملى من أعدائي
ترابى و أرضى
شرفى و عرضى
شوكى و وردى
حبه ليهم دايما باقى
جيشنا ميعرفش الهزيمة
جيش أبطال كله عزيمة
الأسود البرية
النسور الجوية
الضفادع البحرية
عاشت قوات جيشنا العظيمة
هتفضل يا جيش مصر
انت الأمل و النصر
قلبى شايلك
يالى عمايلك
يالى جمايلك
ملهاش ابدا حصر