كلمات : محمد فتحى
الحكاية مش حكاية بنت
القصة مش قصة ولد
قبل اى حاجة اتأكدت
أنها فتنة هتولع البلد
حب واحدة من دينك
ولا انت عايز مصيبة
يا أخى اتنيل على عينك
جاتك ستين الف خيبة
يخرب بيتك انتى التانية
لو قلبك مال فى دقيقة
هتولعى مصر فى ثانية
هتخلى الدنيا حريقة
اللى جراه فى المهيدات
هيخلى الأقصر تولع نار
يا عم يلعن أبو البنات
ملعون أبو قلبك يا حمار
الموضوع لو مش هيتلم
هيخلى نار الفتنة هتقيد
ولا عايز بحور الدم
تكتر فى مصر و تزيد
بلاش الدين و العرض
دول زى النار و البنزين
قادرين يولعوا الأرض
ساعتها هيطفيها مين
ملعون أبو ام الفتنة
اصحى يا محمد يا مينا
مش هتموت أبدا محبتنا
اللى عاااايشة فينا
مصر مش متحملة
كفاية لحد كده كفاية
مصر بالمحبة مكملة
لحد آخر النهاية
