بقلم إيمان سيد الجرنوسي
متابعة خالد عبد العزيز
عيون الناس دي جارحاني
وآه تنده وبتعاني
وحلم كتبته علشاني
بخاف دايما من الجاني
لكن حلمي هايبني الغد
وراح أزرع ببستاني
زهور من مسك ريحاني
والزارع طائر بارع
بيزرع حب بأوطاني
فينك ياما
تشوفي حلم كان بينا
وجواكي لقيت جنة
وفي ارضك شفت بستاني
وحبيب قلبي
ده كان حلمي
لولاكي ياأمي ماجاني
رويتي بميتك زرعي
وفي حضنك شب أغصاني
والزارع فيكي ياأمي
في عيني رجل انساني
بحبك انت ياأمي وهاقول تاني
حبيب قلبي بشوف صورته بأوطاني
لأنه حلم زرعته زمان ببستاني
ومهما كان عيون الناس
مش هاسمح عيون تجرحني من تاني
بحبك ياما وحلمي علشانك مش علشاني
