الدنيا بتشطب!!
بقلم : محمدالشرقاوى
من ساعة ما الوطنيه بقت في خبر كان
والتدين السليم بقي تخلف
و العادات الشرقيه بقت بيئه
و ‘السلام عليكم’ بقت بلدي
من ساعة ما الخلافات بقت اون لاين
و الزعل بقي بلوك
و الضحك بقي ايموشن
و كمان بقينا نكتب عربي بحروف انجليزي من باب الروشنه … والجهل
ومن ساعة ما البني آدم بقى قيمته ف لبسه و نوع موبيله مش ف أخلاقه و احترامه
من ساعه ما بقينا نحس بالوحده في وسط اهالينا
من ساعه ما القرايب بقوا عقارب
والصحاب بقوا عرر
هو احنا اتغيرنا اووووي كده ليه ؟
والناس مبقتش زى زمان ؟
و قال بنسال نفسنا الدنيا ليه مبقتش زي زمان ؟
الناس اتغيرت و نسينا كل عاداتنا و أصالتنا و جذورنا
قطعنا أرحامنا وفقدنا إحساسنا بالمحتاج
