بقلم – احلام ابراهيم
جيت في وقتك
كنت بحلم بالأماني
جيت في وقتك
خدتني خلتني
أعيش حلمي
وكياني
خدتني على فرسة بيضا
ومن إيديا
كنت بحلم إن أنا في الجنة
رايحة ولسه جاية
شمع قايد طول طريقي
في إيد صبايا
هو ده الحب الحقيقي
عيش معايا
كان طريق مفروش بورد
وتوب حرير
أي قلب يعدي بس عليه
يغير
نور قمر كان.. فوق سمانا
نمشي يمشي النور معانا
موج وبحر.. وشط هادي
اعتبرته ده.. يوم ميلادي
فجأة ملقتش الحصان
قالي ماوصلنا .المكان
قصر عالي ياقوت ولولي
والملائكة بيندهولي
لبسوني توب وطرحة
شفت ف عينيه أحلى فرحة
شالني بأيديه بصلي
قاللي… ليه تتحملي
شفت جوة عينيه حنان
قلت فينك….. من زمان
قاللي لسه… العمر باقي
حبي بيزيد.. واشتياقي
ضمني …..برموش عينيه
لقيتني فجأة مابين إيديه
طلعت الشمس وصحيت
افتكرت.. جريت …بكيت
نفسي حلمي يكون حقيقة
نفسي أعيشه…. ولو دقيقة
ولا دي أحلام وذكرى
ولا دي قلوبنا البريئة.
