..كلمات .. ابو انس ..محمد فاروق
ابويا علمني اقول
الشكر والعرفان
وعلمني ارد جميل
عمله معايا انسان
وقالي يا ولدي
خليك جدع مع الجدعان
وصاحب الرجال
وخليك للرجولة عنوان
خليك يابني اصيل
وما تعتبش على الاندال
خليك يابني جبل
ما يهزهوش زلزال
واياك تنحوج
لغير الله في سؤال
الشكوى لغير الله مذلة
وياما كسرت رجال
وخلي قوتك للقوي
وما تفتريش على الغلبان
وخلي ضميرك يقول الحق
واياك تبقى جبان
وزين كلامك وصون لسانك
تعيش بين الناس سلطان
وخلي سرك قلبك
وما تحكهوش لواحد من الناس
ده الصاحب وقت الخصام
بيكون وسواس خناس
واعمل الخير يا ولدي
واتواضع لرب الناس
هايرضى عليك ربنا
وتعيش مرفوع الراس
