شعر
دنيا وناس
شاعر الأغنية / علاء الخولي
دنيا وماشية بالعافية
قلوب خاينة قلوب صافية
ناس تعيش وتتلون
وناس تفضل كماهية
ناس عايشة ومكسورة
وناس تظلم ومغرورة
ناس طالعة لفوق ولفوق
وناس مش طالعة في الصورة
ناس الطيبة ملامحها
تسامح مهما تجرحها
وناس الشر واخدينه
شعارها وتاج فوق رأسها
حياتنا كلمة مش معنى
الدنيا صورة راح لونها
ايام بتحسب أعمارنا
مكتوب علينا هنعيشها
حاجات في القلب مجروحة
الروح م الهم مدبوحة
طريق الفرح ملوش سكة
وسكك الجرح مفتوحة
حياة ماشيين خطاويها
أحزان أفراح هنقضيها
أيام بتجري بأعمارنا
عديها وسيب نفسك ليها