أنا شهيد الشرطة و شهيد الجيش
فى حب بلدى هفضل أموت و أعيش
مهما ان كانت روحى غالية عليا
فداكى يا مصر روحى متساويش
أنا المجند أنا الفريق أنا الضابط
اللى على نفس عدوك دايس و رابط
قبل ما يفكر فى لحظة انه يمسك
هيلاقينى عليه زى جحيم من السما هابط
أنا المصرى أبن ابويا الحاج و أبن المقدس
هفضل أطهر فى ترابك و رملك اللى أتلوث
أنا يا بلادى أجدادى يا بلادى أبطال 73
اللى التاريخ عنهم ياما قال و أتحدث
أنا دراعك اللى عمره ما كان مكسور
اللى بيحميكى اللى بيفديكى من اى شرور
لو على عمرى و حياتى و روحى هضحى
حتى لو دمى يا أمى هيملا أنهار و بحور
مصر يا عمرى يا أمى يا قمرة يا أم الكون
من غيرك انتى يا حبيبتى و الله ما أكون
هفضل أضحى و أضحى و أموت
لو 1000 عمر عشانك و الله يهوووون
و ربى و دينى ترابك مش رخيص
ولا يعرف أبدا يمسه اى خسيس
رملك غالى لو حد فكر يقربله
هتلاقينى ساعتها فى الجنة عريس
كلمات : محمد فتحى
