الدهشان يكتب اهم ١٠ دروس في مبارة نهائي صلاح و يعرض افضل تحليل لمباراة صلاح النهائية
كتب د ايمن الدهشان خبير التنمية الادارية والبشرية تحليله على صفحته تعليقا على مشهد اليوم في ماتش الريال وليفربول بيقول
حاجات كتير قوي
١.صلاح كان عايز يفرح ١٠٠ مليون واكتر ولكن يشاء الله ان ال١٠٠ مليون يدعوا لصلاح ويزيد حبهم ليه
بفضل الله كسبت دعاء كبير يا صلاح من مصر كلها
٢.ان النجاح مش معناه فوز دايما نجاحك الاصعب في بكاء شعب عليك
حب الناس هو النجاح
٣.ان الحياه او الدنيا مش عادله والتحكيم في العالم والدنيا به اخطأ كثيرة ومفيش حاجه اسمها لعب نضيف في هذا الزمن من اكبر فريق في العالم
و ان دائما في خسيس وجبان وحقود
ومش كل الناس بتحب لك الخير والنجاح
٤. الإرادة والاخلاص والطموح والقرار دائما هي وقود الحياة
فرغم انكسار محمد صلاح الا اصراره على الاستمرار
لمدة ٤ دقايق بعد انكسار أيديه يدل على اخلاص واصرار كبير
وهذا ما نحتاجه من كل مسئوول ان يكون لديه ضمير صلاح
٥. اول ٣٠ دقيقة اثبت محمد صلاح انه افضل وبامكانه ألقاب اكثر وهذا ما نتوقعه باذن الله
٦. الأخلاق هي اساس الحياة واحترام الرأي والرأي الاخر اهم شيء واحد كسرلك ايديك ورغم ذلك لم يقول له كلمة واحتسب ذلك عند الله
لان اللي عند ربنا كبير ومش بيضيع
حسبي_الله_ونعم_الوكيل
٧.روح الفريق عندما خرج صلاح فقد الفريق روحه وحاول الفريق الانتقام من راموس وهي دي روح الفريق ولكن تركيزهم على الانتقام اضاع الفوز وهي دي روح الفريق اللي لعب عليه الخصم
٨.ممكن تفوز ولكن تخسر كتير قوي والعالم كله يشتمك زي راموس اللي ميستهلش الواحد يفطر عليه بس ممكن يفضّل يدعي عليه والدنيا صغيرة جدا وسلف ودين
٩.المدرب والقائد لازم يكون جاهز بكل السيناريوهات ويضع أسوأ بديل أمامه لكي يستطيع اتخاذ قرار سليم
١٠.الشعب المصري لما بيقلب على حد مش بيسمي تحولت صفحة راموس و ريال الي أسوأ يوم لهم من المصريين والعرب اللي لو اتحدوا على ان يكونوا على قلب رجلا واحد العالم كله هيعملهم الف حساب في كل القضايا
ما قاله #راموس بعد المبارة
قال «راموس»، الذي تسبب في إصابة «صلاح»، في نهائي الأبطال، مساء السبت: «قبل أي شئ، نحن زملاء. أتمنى لك الشفاء العاجل. المستقبل ينتظرك».
بيقتل القتيل ويمشي في جنازته حال الدنيا
مش مهم تكون لاعيب المهم التعامل مع اللعب القذر في واحد يموتك علشان يظهر
سيظل التاريخ يحكى سقط لاعب اسمه صلاح على كتفه فشعر 100 مليون واكتر بالألم😢
صلاح راجع وهيلعب كأس العالم مع المنتخب باذن الله
وهيبهرنا كالعادة
صلاح بفضل الله استطاع ان يحرك الرياضة المصرية بعد ان كانت بلا طعم ويرجع لنا دخول كاس العالم
صلاح دخل لنا كل بيت بجد نفسه يكون ابنه باخلاق محمد صلاح
صلاح ساعد في حركة الاقتصاد تيشرت صلاح فانوس صلاح كتاب صلاح استيكر صلاح اي حاجة تضع عليها صلاح تتباع ده في عصير اسمه صلاح صلاح تورتة ….الخ
اي حاجة تكتب عليها صلاح هتتباع
صلاح يدرس كمادة للاخلاق في الصين
صلاح يغني له كل الجنسيات والأديان
صلاح خلي اكبر شركات العالم تتهافت للاتفاق معه للإعلانات
ربنا يحفظك وترجع افضل باذن الله
فرصة ذهبية لاتحاد_الكرة #ووزير الرياضة السفر
للاطمئنان على حالة صلاح
واتمني ان يتدخل #الرئيس في ذلك الامر
الذي اهتم به معظم المصريين
