عيــــــــــــــــــــــــــــــــــــــد الأم.
بقلم / كريمة الشقري .
صحيت من نومي لقيت الكون فرحان.
قالولي عيد الأم نوره هل وبان .
شغلتلك ياأمه من شوقي ليكي شال .
ملقتش غير قلبي أحط فيه الشال .
فضيته من همه وجهزته أنا ف الحال .
وربطته بشريطه من عمري إللي طال .
وقلت دي هدية للغالية إللي وحشاني .
وجريت عليكي ياأمه بحلم تقابليني .
مشتاقة أنا لحضنك يمكن تنام عيني .
وناديت بعلو الصوت ياغالية قابليني .
ردت حيطان البيت ياريت يانور عيني .
راحو حبايب الدار والحزن ماليني .
مفضلش منهم حد والبعد كاويني .
ونسيت أنا ياأمه إنك روحتي وسبتيني .
أنا شوقي ليكي ياأمه والله يهد جبال .
وبدل ماأحضنك كان في حضني الشال.
ياإللي بدعت العيد كفاية علينا هم .
مكانش في حسابك إللي انحرم م الأم .