كلمات : حنان جمال
إلى البنت إللي سهرانة
بتبكي حنين …….
بتسقي المخده دموع
ومستنيه منه رجوع
وهو واحد مابتهزه
دموع عينك …
وف اول فرصه بيهينك
كلمة وحابه اقولهالك
انا بدعي ربنا يعينك
ويجفف دموع عينك
من أول ما عرفتي هواه
وهو بيجرحك جداً
ودايما غاوي يتلكك
وفوق الجرح يتكا
ويتمادى …..
يزيد الجرح بزيادة
يا بنت الناس …..
عملتي ليه قلبك لحبه مداس ؟!
ده كان عاشق بجد
ولا ده كان شيطان خناس ؟!
بيعشم فيها بإسم الحب
وهي ياعيني ابيض قلب
بمجرد مايقولها بحبك
عيونها دي تطلع قلب
يزيد نبضها لدرجة
تحس ف قلبها بالشوق دا طاير فوق
تلف الدائرة من تاني
ويرجع تاني وحداني
يجيلها ويبكي نار الشوق
انا عاشق لانفاسك
هعيش العمر تاج راسك
وهبنيلك قصور افراح
وهملاها ب هنا وسرور
وهجيب القمر جنبك يزيدك نور
وأول ما الدنيا تضحكله
يهد ف قلبها الطيب
ويجرح فيها ما يطيب
ويجي عليها ولا تفرق
دموع عينها اللي صبحت بور
حرام قلبك بتأذيه ليه
كفاية عذاب وسيبيه يغور
ده لو كان حبك زور
مكنتش هتبقى دي حياتك
يا بنت الناس
عيدي من تاني حساباتك
ولأجل ماترجعي حياتك
سيبيه واستني سيد سيده
اكيد ربك ده هيجيبه
وهيكافئك على صبرك
وهيرجع دفا روحك
سيبيه وكفاية تتعافي
على نفسك ….
يجوز العقل كان ناقصك
لكن الرب نجاكي
كفاية تغني ب بكاكي
يامحلى الضحكة على وشك
ناقصها الراحة جواكي
